UCC, ADECES, UCGAL, AI e UCEUSK valoran a retirada da permanencia de Movistar FUSIÓN e solicitan ao resto de operadores que secunden a iniciativa nos seus produtos

6/10/2020

A medida promove a libre elección e, polo tanto, impulsa a competencia e a calidade

O recente anuncio de MOVISTAR de eliminar a permanencia dos seus produtos Fusión ven de ser valorado moi positivamente por diversas organizacións sociais e de consumidores, ate o punto de solicitar ao resto de operadores que secunden esta iniciativa.

Segundo as asociacións, a retirada das permanencias promove a libre elección dos
usuarios, que deixan de estar obrigados a prolongar a súa relación contractual cun operador pola penalización que leva aparellada a ruptura da mesma.

Para as asociacións, a libre elección é o substrato básico que impulsa a competencia en termos de calidade, xa que logo xeralmente as decisións de cambio dos usuarios susténtanse na insatisfacción co servizo recibido. Neste sentido a penalización opera coma unha barreira á competencia.

En definitiva, as asociacións avogan por que os operadores conserven ou gañen cota de mercado pola calidade dos seus servizos prezos e prestacións e non pola obriga de permanecer atado baixo pena de sanción económica.

Ate este momento, MOVISTAR, tiña fixado para os produtos de FUSIÓN, un compromiso de permanencia de 3 meses, cunha penalización de 130 euros, ligada á instalación por vez primeira da fibra.

Pola súa banda, o resto de operadores manteñen os seguintes compromisos e penalizacións:

  • VODAFONE: 12 meses de permanencia. Ate 150 euros de penalización.
  • ORANGE: 12 ou 24 meses. Ate 100 euros de penalización.
  • EUSKALTEL: 12 meses. Ate180 euros de penalización.
  • MASMOVIL: 12 meses. Segundo se trate de fibra ou ADSL, a penalización, ligada á
    instalación, acada os 181 e os 121 euros respectivamente. Non prorrateable.
  • TELECABLE: 12 meses. Ate 120 euros de penalización.
  • R: 12 ou 24 meses. Ate 180 euros de penalización.

Ver Nota de Prensa

Deixa unha resposta