UCGAL organiza o I Congreso Internacional de Consumo.

Coa colaboración da Consellería do Mar, a Axencia Galega da Calidade Alimentaria, ASUGA, CETMAR e ConsumES.

O hotel NH Collection de Santiago, acolleu os días 30 de novembro e 1 de decembro o maior evento divulgativo de consumo desenvolvido en España durante o ano 2023. Máis de 50 profesionais participaron nas diferentes ponencias e mesas de debate, nunha actividade que rexistrou máis de 150 congresistas procedentes de diversas partes de España e Europa. Ademais, contamos coa participación da DECO, a principal organización de consumidores de Portugal e de SAFE, entidade lobista europea da que UCGAL forma parte. 

Consumo de produtos do mar

O secretario xeral da UCGAL, Miguel López, foi o encargado de dar a benvida a autoridades, participantes e asistentes a un congreso que foi conducido pola xornalista Loli Gómez. O Conselleiro de Mar, Alfonso Villares, encargado de inaugurar a primeira sesión do congreso que versaba sobre o Consumo de Produtos do Mar, afondou na necesidade de revisar a fiscalidade dos produtos do mar como medida que incentivaría o seu consumo.

A primeira sesión do Congreso Internacional de Consumo, abordou as causas que están a motivar o descenso das cifras de consumo de peixe, partindo do estudo desenvolvido por UCGAL no primeiro trimestre de 2023 e cuxos datos foron presentados polo directivo da UCGAL, Óscar Porral. Antes desta exposición, o prestixioso cardiólogo Guillermo Aldama impartiu unha maxistral presentación na que insisitiu nos múltiples beneficios que ten para a saúde o consumo de peixe.

Na mesa ¿É caro o peixe? abordáronse os distintos aspectos que a xuízo dos participantes inflúen na conformación do prezo dos produtos do mar, valorando a calidade do producto, e as distintas externalidades que afectan á súa posta no mercado. Baixo a moderación do profesor de economía aplicada da USC, Gonzalo Rodríguez, déronse cita nesta mesa integrantes de todos os elos da cadea de valor, Basilio Otero (presidente da federación nacional de confrarías de pescadores), Luis García Castro (Director Técnico de CONXEMAR), María Martínez - Herrera (responsable de seguridade alimentaria e medio ambiente de ASEDAS), Rosa Chapela (directora del área de socioeconomía de la pesca da fundación CETMAR e directiva da UCGAL). Non podía faltar nesta mesa a voz do experto en fiscalidade, Carlos Cruzado, presidente do sindicato de técnicos do ministerio de facenda GESTHA, quen considera un erro apostar por unha rebaixa ou supresión do IVE nos alimentos.

Baixo a batuta da secretaria xeral da Unión de Consumidores de Euskadi, Ana Alzaga, a directora xeral de FEDESPESCA, María Luisa Álvarez e o director de compras de VEGALSA, Jorge Eiroa analizaron aspectos como os horarios, oferta comercial ou prezos desde a perspectiva do comercio retallista e a distribución, na mesa ¿Costa acceder ao peixe? 

A terceira mesa da sesión, Innovación e tendencias no consumo de peixe, estivo moderada por Gloria Felgueiras, presidenta da delegación regional DECO Minho e partiparon nela Marta Lara (Fish & ready meals marketing manager EMEA. Sealed Air), Mónica Cascallar, directora de innovación de CONGALSA e Belén Vázquez, coordinadora da área de mercados e internacionalización do CLUSAGA. Abordaron tendencias actuais e innovacións no consumo de peixe así como os retos e desafíos aos que se enfrontan nos próximos anos. 

Desde o servizo de inspección da Consellería do Mar, Pedro Gandarllas fixo unha exposición sobre a información ao consumidor no etiquetado de produtos do mar. Rematou a primeira sesión do Congreso Internacional de Consumo coa intervención de Rogelio Santos, mariñeiro e divulgador que abordou o que hai tras do peixe. O director xeral de pesca, Antonio Basanta foi o encargado do peche expoñendo as estratexias e propostas da Xunta de Galicia para mellorar as cifras de consumo de peixe.