Desde o 29 de xuño, os operadores de telecomunicacións non poderán realizar chamadas con fins comerciais.

Só poderán realizarse se se conta co consentimento previo do propio usuario ou existe base lexítima segundo a normativa de protección de datos

Unha noticia longamente esperada será unha realidade en cuestión de días, permitindo que millóns de consumidores deixen de ser vítimas das insitentes e agresivas estratexias comerciais ás que distintos operadores de telecomunicacións tíñannos afeitos. A  actual Lei 11/2022, Xeneral de Telecomunicacións que entrou vigor o pasado ano 30 de xuño de 2022 establecía un prazo dun ano desde a súa publicación (29 de xuño) para facer valer un dereito longamente demandado polo conxunto de persoas consumidoras do noso país. 

O aumento de queixas derivadas destas prácticas sumado ao feito do aumento de cidadáns que xestionaron a súa inclusión en servizos de exclusión de envíos comerciais como a Lista Robinson evidenciaban a magnitude dun problema sobre o que desde o próximo mes poderán intervir as autoridades competentes en materia de telecomunicacións ademáis da Axencia de Protección de Datos.

A normativa establece que para que un operador de telecomunicación poida realizar chamadas con fins comerciais debe contar co consentimento previo do destinatario ou ben demostrar que posúe un interese lexítimo de conformidade coa normativa de protección de datos (por exemplo unha proposta contractual previamente solicitada ou ben en caso de obrigacións impostas por lei, interese público ou vital do propio usuario.

A partires da entrada en vigor desta norma, será fundamental que os usuarios extremen a súa atención á hora de solicitar información a un operador de telecomunicacións, sexa telefonicamente ou a través de canles dixitais xa que a petición de consentimento para recibir chamadas comerciais pode facerse durante a conversación ou ben incluirse na política de privacidade que teñamos que aceptar para recibir a información. Se a pesares de non contar co devandito consentimento ou interese o consumidor recibe chamadas desta natureza poderá proceder a presentar a correspondente denuncia. Para iso Unión de Consumidores de Galicia recomenda tomar debida nota do día e hora da chamada así como de calquera outra información que poida facilitar a instrución da posterior denuncia.