Aínda estás a tempo de reclamar os gastos de formalización da túa hipoteca

Podes recuperar os aranceis da notaría e rexistro e os gastos de taxación e xestoría. ASÓCIATE e NON PAGUES nada ata o final da reclamación.

No ano 2020 o Tribunal de Xustiza da Unión Europea deixou claro que cando se declara a nulidade da cláusula de gastos hipotecarios, o banco deberá correr cos gastos agás que unha normativa española dixera o contrario. Dado que ate a aprobación no ano 2019 da Lei de Contrato de Crédito Inmobiliario, non existía unha norma que establecer o citado reparto, a asunción dos gastos de formalización quedaría do seguinte xeito:

• Notaría: ao 50% entre consumidor e entidade financeira.
• Taxación: 100% a cargo da entidade financeira.
• Xestoría: 100% a cargo da entidade financeira se a súa intermediación foi importa por esta.
• Rexistro: 100% a cargo da entidade financeira. 

Que debes saber sobre a reclamación dos gastos hipotecarios?

Cal é o prazo para reclamar?

A regra xeral en relación á reclamación sobre cláusulas abusivas é que non existe prazo para a nosa reclamación. Non obstante, é certo que queda por clarificar  a cuestión prexudicial que o Tribunal Supremo fai ao TJUE da cuxa resolución puidera considerarse un prazo de reclamación que finalizaría en xaneiro de 2024. Por isto, se estás interesada/o en reclamar non deixes pasar o tempo e fainos chegar a documentación para que poidamos reclamar no teu nome.

Cómo se realiza a reclamación?

O equipo da UCGAL tramitará en primeiro termo unha reclamación extraxudicial contra a entidade financeira, xa que logo algún banco está a aceptar a reclamación en aras a evitar os gastos dun proceso xudicial. No caso de que a entidade non acepte a reclamación acudiremos ao xulgado con avogada/o e procurador/a na defensa dos teus intereses.

NON DEIXES QUE O BANCO QUEDE CO TEU DIÑEIRO!!! ASÓCIATE!!!